Bahasa Asli Babad Pasek Kayuselem

Babad Pasek Kayu Selem

(Awalnya ditulis dan disusun oleh)

Dang Hyang /Mpu Dwijendra Sakti Wawu Rawuh,

Sewaktu Dalem Samprangan,

Dan Babad ini berasal dari Desa Songan Kintamani,

yang kemudian ditulis dan disusun kedalam Hurup Lathin

Oleh Bapak Wayan Pasek dari Gianyar.

Selanjutnya diKomputerisasi Oleh Jro Mangku Djaman,ST

Ditranskrip kedalam Hurup Latin

Bulan September 2009. di Grya Agung Buana Murti.

Jl.Ngurah Rai, Gg XX, No. 9X Br.Pande Blahbatuh Gianyar,Bali

1b. 1.   Om Awighnamastu Nama Swaha. Pewngaksamaning Hulun de Bhatar Hyang mami, singgih ta sira hyang Bhatara Pasupati, alungguh pwa sira ri Sunya taya, jumeneng ri Giri jambudwipa, tabe- tabe pwang ngulun, ya olih de Bhatar Kabeh,sang genlar Ongkarem ratna mantram, redayam masuci nirmalayam, Yogiswarem, sira anugraham, anawa kapurwa sang wus lepas. Luptakna ri  tulah Pamidhi de hyang mami, mwang wigrahanng mala pataka tan katamanna upadrawa de hyang mami, wastu,wastu,wastu paripurna anewakena ayu katekeng kula sagotra mwang sentana namastu Jagatdithaya.Hana Wak ring purwkala, hana maya sakti tar parryyangan, krura kara asyung dangastra  lungid tiksna angamah amah kadi traning Danawa, loba moho murka de premadeng ngahayu.

2a.       cinacad sarwa tatwang atita, ya ta wicirna binuru huta kantep rinuput nikang kasmana, umantuk ta yeng Cwarga stana. Pira ta kunang kala nira, mwata sira tinuduh de hyang anadma sinungraha sok maharda naraswari  pwa sira, ri wkasan, matangnya sinuksma ring tata kalapa, pinuter dening pdang, wus pinalira bhinresihan de sang  pretapaning tolangkir tinuduh de hyang Phacupati malinggih maring Bali rajya, maka panguluing ngagantun, anganti pujastawa ri nira, jumneng Ratu ring Bali rajya, bhiniseka Cri haji masula masuli, ther winiwaha pwa sira ring sang ari, tan lingen pwa kreta nikang sanagara, sawijil ira nguni.

  1. Pira ta kunang kala nira, amukti anganti pujastawa ganti gumanti, gnepwa ri yoganta pada muksa sira tka ring antrelaya, nahan ikang tatwa ring usana.,Apica sarinincinira padhuka Bhatara hyang Pacupati maring ghiri Mahameru. Ndya kunang kasihana tumening Bhumi bali lawan seleparang, duk hyang kumalencong ,lwir jo satata marayengan Bali lawan Selaparang inguni mimitaning ring Bali. Hana gunung Catur ng, ghunung lokaphala, ring wetan gunung Lempuhyang, nga, ring Kidul gunung Andakasa, nga, ring Kulwan gunung Watukaru, nga, sama mwang ghunung Baratan, kuneng ring Lor Ghiri Mangu, nga, parek lawan gunung  Tulukbiyu ya matangnya ingande hyang ari Bhawana. Sadakala ginggung tang Bumi Bali matangnya  hyang Pasupati umupak parwa nikang Ghiri mahameru tinurunaken maring Bali Rajya, tkeng selaparang,

3a.       Ki Badawang Nala kinwan maka bhungkahing Ukir, mwang sang Naga Bhasukih maka banda nikang Ghiri, sang Naga taksaka umuteraken ghiri, tangeh yen katakna poahing amuti Ghiri. kalanya diwo, ka, wre,ka, pretitinya jati, kresna panca dasi sudira, cirna ulan isakya 00, ika mimitaning ukatang Bhumi Bali, rah, 0, teng, 0. nahan ikang carita. Arawas rawas ing kala, prapta pwa yusa nikang rat, ri sadintenya, Ciwa kawya wara, utamaning Tolu, candra sira titi cuklapaksa, arjuna witangsu, rudira parwwata, cirna diwosakya, cunya pandita, warsaning jagadya, bruwang udan madres sinnung riyut, madulur keplug, saha kilattatit, genter pater lindu tang anda Bhwana, rwa ulan lawasnya udan.

3b..      wkasanmakeplug ghiri hyang Tolangkir, umijil tang salodaka mangkana katatwanya i nguni //0//. Pira ta kunang tang kala, prapta sadintenya, siwakuje wara prangbakat, caca dararetu, suklapaksa, rah, 3, mastake witangsu, teng , 1, wesakanya, ghni Bhudara, tgesnya, 310, warsaning rat, Mangka mwah makeplug parwateng Tolangkir, umijil Bhatara Putrajaya, tumut Bhatari Dewi Danuh, aparyangan ring Ulun Danu, ng, Tampurhyang, kunang Bhatara hyang Putrajaya maring Bhasukih, maka panguluing Gelgel.Pinasihanira tumut Bhatara Brahma, abhiseka Hyang Ghnijaya, aparryangan pwa maring Ghunung Lempuhyang, mangkana tatwanya ring kuna, nihan iki rengon pidartanya,

4.a       Uni duking adan Bhatara Tiga umiba mareing Bali Rajya, Pangutus Bhatara Jagat Karana, ling Bhatara, kamung anaku hyang tiga, mahadewa, Ni Danuh, Ghnijaya, mangke, nora waneh anaku tumurun wontening Bali maka lingganing Bhumi, Apan tistis asamun tang pulina Bali, maka panembahaning rat kabeh, katkeng Jmah, mangka wakya Bhatara Kasuhun, angastungkara Bhatara tiga sajna hyang mami, dudu saking anwal ajna Bhatara, ndya dumehnya, pan karrya rarenak Bhatara, tuhu tan wruhing marggaha, ling Bhatara, anaku yang Tigga, aja walang hati, hulun anugrahanaku, Aapan kita anak maniranto, nikan anugrahangku, tarimakna aja cawuh, angastungkara Bhatara Tiga Sakti, adulur pngalpika apan wus inimpening tatwa Jnana, tangeh yan warnanen wua winastwa bhatara tigga,

b.    Sinuksma ring tata kalapa nuh gading, apan sor ring arnawa, cet dateng  mareng parryangan Bhasukih, ya hetunyan akayangan maring Bhasukih, nahan wijil ira Bhatara ing usana//00//. Kunang sira Bhatari Dewi Danu, tumuli aparyangan maringn Ulun Danu, maka Tampurhyang, Sira Bhatara hyang Ghnijaya, maring Lempuhyang akahyangan mangkana katatwanya//00//.Hana pwa ya wuwusan muwah, sutanira sang hyang Pasupati, dinurunaken wontening Bali, maka sinembah akening praja, mangiring Bhatara Putrajaya, abhiseka bhatara Tumuwuh, aparyangan maring Ghiri Watukaru, nga, Mwah Bhatara hyang manikkumayang, aparyangan maring Ghiri Bratan,nga, mwah apuspata  hyang manik Galang, aparhyangan ring Pejeng, nga, mwah Bhatara Tugu, aparhyangan maring Ghiri Andakasa, sama ayoga sadhi, tan popamarenes parhyangan ira Bhatara sowang-sowang, mangka pidartanya Bhatara mareng Kahyangan Bali, haywa Predo,  wus sinurat de ira Dwijendra wawu dateng, duking samprangan.//0//.

5a.       Apica pirang lawas ikang kala, prapta sadintenya, ciwa kuja, julung merik, sasadara, marga utara, badrawadhe, titi, pratwada sukla, cwanita, nagha bhumi, piprajadma, nagha ulan, witangsu, udani jagaditaya, payoga nira Bhatara Ghnijaya, pepareng hyang Bhatara Mahadewa, mwah ginggung tang bhuwana, makeplug ghiri hyang ing tolangkir, awtu balabar Ghni, ya hetunyan hana inaran Lwah, Mbah Ghni, tinwaken mangke//0//.

b.       Kunang mwah payoganira hyang Ghnijaya, umijil saking Pancabayu astawa, tumuli mijil Suta, Laki-laki Listuayu parripurna, kunang sawijil ira, sama aklasa rwaning Gdang kaikik, kang Panwa apuspata sira Sang Brahmana Pandita, Kang Pemade, abhiseka Mpu Mahameru, mwah kang waruju apasajna sira Mpu Ghana, kunang sang ing wkas apuspata sira Mpu Kuturan, mwah sang ari akakasih sira Mpu Pradah., pinih alit, wiku sangkaning lare, sama angambeken kaparamartan, tlas uamntuking mahameru, anangunaken smadi draka, tangeh yan ucapakna, ning  kata sakareng, apan wus langgeng ing Yogha,//0//. Wasitakna mwah payoganira Bhatara Hyang Mahdewa ing parcwaning ghiri Tolangkir,umijil putra saking rwa Bhineda, 2, siki Jalwistri, kang laki abhiseka Bhatara Ghana, arinira stri akakasih bahatari Manik Gheni, tan pengan paripurna ring ngahayu, kumon de Bhatara amantuking Ghiri Semeru, ayoga semadi ngstiti hyang Pramesti Guru.

6a.       pira kunang warsa nikang loka, wus putus yasanira maring semeru, irika Bhatari

hyang manik Ghni ingalap rabhi, de sang apanlah sang Brahmana Pandita, Ri sampuning atmu tangan, sang Brahmana Pandita lawan Bhatari ManikGhni, nher ginanti kang puspata, mangko apuspata Mpu Ghnijaya,nga, memperbhiseka Bhatara kasuhun, mangka katatwanya ring usana.//0// Apica Bhatara Putrajaya mwang Bhatara catur purusa, i parwaning Tolangkir, nora waneh pwa pagonitanira sawetaning tistis asamun tang Bali pulina.

b.      tan hananing manusa loka, tan hananing sumungsunga kahyangane maring Bali,

ya dumehnya Bhatara Putrajaya, pepareng bhatara hyang Ghnijaya, mwang Bhatar Catur Purusa kahyangan ing Bali, uamntuk mareng yawajambudwipa, umedek Bhatara hyang pacupati. Kalungang –lungan lampah ir, tan katakna sireng ngawam, cet prapta mareng Ghiri Yambudwipa, Laju pwa sira umdek Bhatara, ngadpada adlur pangalpika tuminggal sira paduka Bhatara Hyang Mahasuci, tinakwanaken ri sang kanya dateng, ling sang hyang, anakning hulun, kamung putarjaya, mwang Ghnijaya, lawan sanakta sadaya, ndya marmanta, kaya pranagata angugah kahananing hulun mareangke lwir asmu rudita, yan pindaning yogya pidinen sira manira, umatur bhatara kahyangan ing bali, adulur panjayajaya mwang pangalpika.

7a.    Ling ira, sajna paduka Bhatara, nimitaning ranak paduka bhatara pramecwara,

dateng umdek jeng Bhatara tan waneh pwa wetning dahating tistis asamun wontening bali bangsul, norahaning manusa loka sumungsunga ranakda Bhatara, singgih yen pindaning oneng, maka nguni sinanmata bahtara, agya paduka bahatar anugraha aagwya manusa didinya hana sumungsungakena punang kahyangan ing bali, mangkana ngasembahningpwang hulun sadaya, sumawur paduka Bhatara Pacupati, adulur pasnjaya-jaya, wakhyang Cunyajna tirtam, sanmata stute paranam, dharmacca para crayanta, sidrastu namostute. Anakning hulun yan mangkana aja walang hati, bapanta tan tumangetekang,nihan

  1. anugrahahing hulun tarima, wastu, 3, tan pariwastu sidi ajnana, pareng lan     sanakta, ludra, tatwa brahma, icwara, wisnu, mahadewa, nging antekna ramanta  rumuhun, agya wontening bali, angastungkara bhatara putrajaya, papareng bhatara hyang ghnijaya, mwang bhatara catur purusa, angaturaken santi panjayajaya, adulur pangalpika, humung lwir sadpadha angisep sari, mangka yan pangopama. nher tumuli amwit umantukeng bali, tebe yan wuwus, tan katakneng hawan, cet prapta maring bali, apan padha mahawan hyum, tumurun pwa mareng bhasakih, tan lingeng suka ning ajnananira. apan wus kasinanmathan, sidaning don, umantuk padha bhatara maring kahyanganira sowang sowang, nenghakna ring bali kamantyan //0// paramecwaran wasita, umaran madhya balya. :

8a.       ngan, dharppe dewacca paranam bhacwaram maha pawitram. Uwusan tumurun ira bhatara hyang pramesti ghuru, maring bali rajya, tunut sang watek dewathe kabeh, mwang resi ghana, dewasangga, sahananing maring cwargga, tias umiring bhatara maring bhali, kunang bhatara pamecwara tansah alunggwing padma manikanglayang, sahapayung amarapit, mwang tunggul umbul umbul, humung cwara ning genta, mwang panjayajaya, saha.puspa warsa, ring digantara, rengreng ring di kwidhik, adulur klepung, kunang bhatara waneh padha adudwaduwa tungganganira, apan padha dharppa humiring bhatara, munggwing tawang, tangeh yan wuwusan, cet prapta maring tolangkir, sinungsung de bhatara putrajaya, mwang bhatara ghnijaya, nguniweh bhatara catur purusa saha dulur pangalpika, pangastungkara, jayajaya ganda krtam, sinawu

b.         raning wus pawartha, sampun apupul maring kahyangan tolangkir, ling ira bhatara hyang pramesti ghuru, anaku kamung hyang dewa dewatha kabeh, mangko den preyoggakna, di dinyan agya sida angaji manusa sinukama tkeng hulun kabeh, sawur manuk sang watek dewa dewatha kabeh, amiring ajna bhatara, pada sinuksma prelina sumusup ring ciwa gharbha, ling bhatara, kamung anaku icwara kita mungguhing kulit, hyang brahma munggwing otot, yhang wisnu mungguhing daging, hyang mahadewa mungguhing sumsum kunang sira kalih, sangkara ludra, mungguh i pa bwahan, wkasa sampun sama   ayogga, draka, angarep anakira, ghni sakunda, lwirnya nimitaning dadi jadma, nora waneh sira ning hyang bhacundari,

9a.       Yamadipati, asarira sona ireng, tan maryya angirang irang ipayoggan batara, prapta anadukara umatur, ling ira nihan, singgih yang bhatara, mangke padhuka bhatara hyum angaji manusa, den lemeh iku, nga, mangke hulun pramasa sah, masa adadi manusa, yan tuhu iku dadi manusa, hulun sumanggupaken amangan purisyaning manusa, sumawar bhatara, mapa lingan bargawa tka precampah, agung sanggupta, tkeng aku, mangke hingwang abasa malam kita, yan dadi ikang manusa, dhudhu ngwang dewa ninga dewa, wnang lebokakna ring aweci, tangeh ten carita padha akedwakedhwan ujan, irika nher padhuka hyang pramesti guru, rumegepaken sandining ajnana, dhumilah punang kunda, awor kukus, wkasan sampun pwa angeka muka, tandwa punggel tang manusa reka, irika :

b.         macakal tekang asu, acwara kongkong, mwah bhatara ayogga, mwah punggel tang manusa reka, manih tang sona anakal, swaranya kongkongkong, mwah bhatara ayogga, mwah punggel tang     reka, tan maryya tang sona anakal, swaranya kingking, tngeranya anitir, awyatara bhatara ngeka manusa, ping, 5, tinher punggel punang jadma reka, tandwa kaherang herang bhtara sirang ajnana, apan alah denikang asu, nher bhatara mwah angtokaken sidi ajnana rumawak ikang triloka, dumilah tang kundeghni, ginggung tang pretiwi mandala, umijil sang hyang amrtta siwamba, bhyakta waluya dadi manusa, irika kawagan punang sona, awngis tumoning manusa, ling bhatara hyang pramesti ghuru, mengke bhyakta alah kita wagrah, kengetaken ujarta

10a                  nguni, wastu, 3, tan pari wastu, katkeng dlaha, punang sona amangan purisyaning manusa, mingista erang erang punang sambuka, nedaksamakna, tan tinanggapan, ya hotuyan amwit malih, tansah asuweng tangis, anesel pula kreti, ndah waluya mwah sahyang yamadipati, tan warneng hawan, prapta yamandiloka, irika hyang yama mojer, ring sawateking cikrabala makabehan, maka muka ring kang ngaran i bhuta kalika, apa ling ira, udhuhkamu kalika, mwang kita kingkarabala, sadaya, kita kinon aku, turun ring madhyaloka, sumendi ingsun, amangan puri syaning manusa, urun tumurun, katkeng wartamana jugga, ndya dumahnyan mangka, apan i ngulun alah atohtohan, lawan bhatara acintya suci, ya matanggyyanora wa :

10b.     neh kita akonku sumendi i ngulun, andadi sregala, wonteneng madhyaloka hana piwkas i ngulun, wkas prapta kapatya ning manusa, irika yogya kita, papareng sanakta kabeh, anglagla atmaning manusa, sang maulah tan hogya, nahan ling hyang yama diraja, tumungkul sahananingkingkara bala sadqya, karyya uminget ingeting cita, kunang wancak daya, tan wu nkna kabajrawisa, bhinaksa ginlagla, ya hetunyan umiring sajna bhatara, ki bhuta kalika, mwang kingkarabala kabeh, mangkana pidarttnya nimitaning punang acu, amangan bacin manusa ther katkeng wkas //0// apica mwah payoganira bhatara hyang prameati ghuru, angaji manusa, acrana toktokanyuh gadhing, umtu manusa, 2, siki jalwistri, kang laki ingaran  :

11a                  kiktokpita,kangistriinaraken i jnar,ika ta malakinya,enak pwa pakuren ira apan panindaning hyang,pira kunang kala,i wkasan wredhi sentana sira ,tan idhal idhal,jalwistrya //0// muah Btara ayongga,angaji manusa,tan lingen drakasmadhi nira,angarep aken kunda ghni,sakeng sidi ajnana,wkasanuntu manusa,2,siki,jalwistrya,kang laki inaranan ki abang kang stri, ingaranaken i Barak, mangke hana mangko mewayah, ya ta pwa sinung yogga, alaki nama, pira ta kunang akuren, tan pengan wedi sentana pwa sira, jalwistrinya//0//  Tangeh yan katakna dresti nira paduka bhatara, ayoga smadi angaji manusa ri Tampurhyang, apan wuwus byakta akeh kang mansua ri Bali, manak gumanak makuramb,

  1. Ya ta matangira paduka bhatara mahasuci nirmala, akon sang watek dewa dewata, tumurun mareng bali, angajaraken ulah ing manusa maka nguni agawya prabting manusa, didinya wruhanambut gawe, wruhing lapawlekang, ya matange tang manusa padhangungsi gawe katanem, hana alas agung, ring Tampurhyanag ginawe janggala pangagan, olih ing wong balyaga, rinubuh tang taru agung, nguniweh gineseng ing pawaka, dumilah awlu kukus, hanataru Celagi, kari tunggaknya apan huwus rinubuh, kaya ligir rupa nikang twed, yan winimbakna, tan waneh kayawang anudukuh angranacika.Nhan prestawanya kunang janggala panggann sampun wus dadi manusa anambut gawe mangkana kacaritanya nguni ngengakna sakamantanyan//0// :

12a                  Ucapakna mwah i abang lan ibarak, wus lama denya akuren, tumuli angalih i ungwan akakubon ring pinggiring Danu, ya hetunyan ingaran ring abang , sampun pwa wredi sentana wawu 5 siski jalu 4, Stri 1 sawiji.kang Panwa inaran ki tanah barak kang stri inaran i Lewih.//0// Kunang ki pita, akuren lawan I, Jenar, sampun asuta wawu 2, siki, laki, istri,kang jalu aran i nuh gading, kang stri aran i Kuning, Ya ta i kuning inalapwa umah de ki barakan. Kunang I Lewih ingalap akuren lawan i Pita, ya ngaran makdengan ngaad. Ri wkasan sama wredi sentana. Pita sauta 3 stri sawiji, laki 2, kang panwa stri ngaran I kuning, Pamade aran I nuh gading, mwahsang ing waruju aran i Gadingan. :

  1. Kunang kang I ngaran ki tanah bharak sampun asuta 3, laki 1, Stri 2,kang panwa laki aranki wayan tampalon, kang stri aran i Loka, mwah stri aran isaloka, ya ta kabeh kaprenah amisan, nga, sislih alap sislih sembah//0//. Mwah i nuh gading malih angalap misane, kang angaran i loka, kunang  i saloka alap de kigadingan, asuta 5 stri 2 jalu 3. Mwah i nuh gading, asuta 4, jalu stri, jlu 2, stri 2, kunang sira ki wayan tampalon, malar sampun ta ya asuta5 jalu 3 stri 2, ri wkasa,  pada wedi sentana pwasira,tan idhalidal, pada sili alap, amisan amindon, duking mangke sowang-sowang,

13a.     Kunang socaning manua samapadha ireng, tan hana ptaknya, wnang ingucap ucap lawan dewa, iku mimitaning wang wruha agawe janggala pangagan, ambabakin ngagal,nga, anandur sakalwiraning phala bungkah phala mula, mwah gaga, sarwa wija, tan kaktakna larestyanning tetandurannya kabeh, nguniweh kakubunannya tan kurangin pangan kinum, ndya dumeh, apan dewa dahating acih, angajaraken tang manusa loka, mangkana kapredtanya//0// Apica nguni kalanira bhatar  kasuhun lunga asasanjan maring janggala pangagan, mwang kakubonan, lumihat karestyaning wanacala, apan wus dadi punang tatanduran, sarwa marletik arenes tang kakubon, dadi katinghalan Bhatara denikang wang, abhyaghata umatur punang wong, apa lwirnya nihan, singgih, i pandewa mangke sumawur Bhatara manira mider asesanjan, aptya tuminggal i tang tetanduran.

  1. Atur punang wang, singgih yan mangkana, kawula suka angasturaken sadaging pabyan tang hulun, sarahasyaning hyun paduka, i pandwewa umeneng ta bhatara.Kahaadang karunggu dening ki Baluwan tan pira runtik citane ki Balwan, ndya matangnya kroda, apan ki manusa matur ing Bhatar sarwi abacin, nher pun Balwan tumandang anuding brukuti angucap, Ih siga manusa, antyan tan precuramu anadi manusa, lewih cumantakanmu dahting awgig sasr kedadyanmu, tuhwanmu tan wring raha,ndi hana cacana ketemu demu umatur ing hyang sarwi abacin, Tuhu kedadenmu lemah kinepel-nepel. Sumawur kang manusa, ih paran blwanajamjem ujarmu, anambat nambating kawangan, tuhu mu tan precura apai-api wruha sarwa tatwa cacana,

14a.     tan ligen tang kawanganmu gumatap gumitip, lyabing aweci, angambeki kenirya, mapi sadhu, tuhu hyang bhatar nora runtik neng aku, sumawur ki Balwan Melutuk  tang netra abang, lwir sumirateng ghni ujwala nher anapa, ih apanmu manusa apunggung, mogga moggamu tan pari wastu hinarupa, hina idep, wastu dadi wong dusun katekeng wkasa,dlaha, dosanmu anapa ring dewa, apan tan kna tinahen tan brahmantya, tumuli tang Balwan angupasantwa ring Bhatara, yaya angulungulungi, sinama Bhatara, irika paduka Bhatara inawe punang manusa kabeh,saprapta nikang wwang, kinon anlikaken tang socanya kabeh, aneleng Bhatara tumuli ginoret socaning manusa, dening kapur,

b.         dinuluraken waksapa, jah tasmat, wastu wastu wastu, tan pariwastukamu manusa dede lawan i ngulun tan wnang tumonaken ri padha hyang kabeh, katkeng wkasandlaha, ndyamatangya, dosanmu umatur tkeng aku sarwi apurisya,  mangkana panapan i ngulun, timwaken de pretisentananta kayang kawkas wkas, hana panugrahanku tkeng kita manusa kabeh, yan kita arep katmu lawan i ngulun wnang ri kapatyanmu juga, Ya ta nga, niskala jati tomonaken ing hulun, mangkana piwkas bhatara hyang pramawisesa, kawi cunya, umiring tang manusa kabeh, sahadulur sembah mulih mwit pada asuweng tangis..          anesel pula kretu, mangkana nimitanya nguni, kang manusa loka tan wnang tumoning dewa hyang//0//

15a.     Tucapa ki Manusa, duk prapteng hawan,katemu tang balwan muwah, acru tang Manusa angucap, kamung balwan bagiaya kita kecunduk ing kene, mangke aku angresti jnana lawan kita, wiwitani ng mangke ktekeng wkasa, trus tumus ing wang angati  satru tkeng kita, turun tumurun, keliliran, tan wun praoti sentananta amatyaning kita, tekeng pretisentanata, sumawur tang balwan, Manusa ingsun tang wihang sepanitanta mangke, yan mangkane, kewala hana pretijanannta, ingsun asiluman anilih amejahi senrananta, kna dinilay hulun anenya, lawan socaning suku, asing kna cinindra, umangguhaken rumuhun, yata margganya pjah, de pretisentananku. Sumawur ki Manusa ayu yan mangkana,

15b.     Mangke dan padha wruhakna sentana pratiesentana, lamaknya den pada wruha, sosot ingsun lawan kita nahan ikang carita, nimitaning ki balwa, wruh anjuti rupa anurut paupaning ginawe alingan, salwirning rwan taru, mangkana kramanya ing usana//o0// Rengwakna muwah, payganira Bhata Brahma, ring Tampurhyang, kinon de Bhatara Cunya Suci, anggawya dresti, angaji Manusa, didinya hana Bhujangga Bali, anon Taru Twed Celagi, wus gineseng, tiningalan de Bhatara, yaya wong adudukuh, ya ta ajnana Bhatara minrastita, maka Bhujangga Bali, wkasan dateng Bhagawan Wiswakarma, maring Tampurhyang, apan inundang de Bhatara Brahma, irika Paduka Bhatara komon Bhagawan  Wiawakama Rienekaken tang Twed Ginawe linggir, didinya nama rupa Manusa,

16a.     Tanwihang pwa Bhagwan Wiswakarma nher Tumuli amwit mara maring Twed, irika ta sira Bhagawan Wiswakarma alakusingid asarira Manusa tani, abusana dkil, apayung kukusan amwa prabot, apa matangya mangka, didinya tan kawruha ing Manusa, kunang saprapta  nira sang mahapandya haneng Twed tumuli pinahayu pinrastita tang Twed ginawe linggir, wkasan tan sira tangeh punangg wong prapta, apti kumawruha tumon i sira ulahing agagawe, wkasan puptu kang Tawulan arupa Jadma, tan pengan kepengin kang wong anonoton, mangke sampun kawruhakna ri Bhatara Brahma, hanti sukaning hradaya, apan wus kasidaning don,

16b.     wus mangkana, mwah kinonaken Bhagawan Wiswakarma anugrahken tang Manusa angudaginin, didinya pada anangguhaken wewangunan, tar wihang pwa sang resi kinon, tumuli piwruhakna tang Manusa, gati nikang ulah, tangeeh yan sarita polah sang Pandya ingajaken wong angundaginin, mangke wuwusan sampun pada wruha tang Manusa amlasken karya, nihan nikang carita/00//. Bhagawan Wiswakarma muwah sira Padhuka Bhatara Hyang Indra inutus de Hyang Pramesti Ghuru, tumurn maring Madyaloka, jumujur maring Tampurhyang, kumewruhaken tekeng wong Balyaga, akarya, didinyan wruha asasanggingan, katkeng amecikaken linggir-linggir Celagi, tar wihang pwa Hyang Indra kinon tumuli amwit mangkat, jumujug ing Tampurhyag, swesma Sangging Prabangkara, mwah praboting Sangging tan katakneng hawan, apan mahayun.

17a.    Sampun sakana prapta maring Tampurhyang ring ungwaning Twed Celagi, kang wus pinahayu de Bhagawan Wiswakarma nguni, sedateng ira nher amecikaken punang linggir, sapari kramaning Manusa, antyan mapikik rupaning Togog, dresatsat hyang kematantra yan kopaman, kayamalam pan tan wruh angucap,ya matangnya kang wong Baliaga kapengapengga tumon ulahaning linggir lwir inguduh tekang ati, yya tan hede3p tuminggala, kunang wusing mangkana nher pwa sira Sanghyang Indra angajaraken wong Manusa padha aguna asasnggingan agirang twas nikang wong ingajaraken Wasita mangko sampun pada wruha wong amrebangkara tumuli mantuk hyang Indra maring tan katon maring Idraloka//-0//

17b.     Caritanen widyadara, mwang widyadari inutus de Bhatara Ghuru turun wontening balyaga, api-api adadagangan kris, nguniweh amawa wastra lalwas, didinya hana tinular dening wong Balyaga, tan katakneng dadalan wus prapta haneng Tampurhyang, ing samipaning linggir, tinher rinyasaken tang linggir, rinangsukaken Bhusana, lwirnya wastra, sampir, dastar, lan paptet, ginanda sarwa rukmi pntes payas angrawit, sinungklang kris, alancingan, mawidara gumulung, sayan atambah tejanya yan awasakna, lwir mantrya agung mungwing gurit, akjep liring amanis, manggkana yan pangopaman, tan wring togog Taru. Wusing mangkana umantuk tang widyadara widyadari, sambya angajaraken wong adadagangan, tan sarita lampah ira, cet prapteng cwarga loka, mangka prawestinya, katakna wong Blyaga jalwistrya, antya pada sukanya anonton togog

18a.     Pada agirang syang ratri tan papgatan prapta, angisekiseki, kawanganing tingal yan winawanging cita, tanlot kaya ring carita, umarek Cri Krena ing Dwaawati ing kuna, ya hetunyan pada sumungsung punang wang balyaga, tan lingen pwa maring togog kayu, agirang arepnya ginawe sasuwunan, ya hetunya awtu pretijnana,aa lwirnya singgih padhuka hyang mona, moga-moga hyang tumurun sakala, waluya asarira apan samudaya, asasangi arep kumawul padhuka hyang mona anggyan manira sasuwunan, ksyang wkasng dlaha, mangka panambat –nambat wong balyaga, sadakala syang ratri, tan pgat mangkana tekang carita nenghakna sakareng//0//

18b.     ginanyakna tang tatwa mwah, gumanti tang watk Danawa Raja kinon de hyang Widhi Wisesa, anadma maring Bali Rajya, maka panguluning Nagara, sakti tan pahingan, detya maprekerti Dharma, anging tan paryyangen niitaning ratu Bali nguni,awecma pwa maring Balingkang  ingaran si Detya Karnapati, abhiseka Cri Jayapangus, ya ta siniwi de wong Bali kabeh, kunang sapandiri nira, anty nresti kang Bhawana, apan satsat Hyang pramestighuru turun anakrawartti, tan hana bhayawyadi, murah sarwa timuku, marlewih sarwa tinandur, gring mrana madhoh, pan wetning wong Balyaga wawu sakincit, kewalya wruha karrya janggala kakubonan, pira ta kunang hantaji nikang kala, lawasira jumneng ngira Cri Haji Jayapangus, maring Balingkang, sinungsung de wong Balyaga, wkasan mur ta ya ring acintya waluya mwah ring niskala jati,

19a.     Kunang spjah ira Cri haji Karnapati, mwah tistis asamun tang Bali pulina, was waluya kadi kuna, pan sasana wus ilang nahan carita nguni//0//. Gumanti mwah kang tatwa ring atita, sira Bhatara Brahma pepareng lan Bhatara Wisnu, kinon de Bhatara Pramestiguhur angaji Manusa, Wontonning Bali didinyan hana tinulad cecana ri wkasan dlaha, kunang pwa Bhatra kalih Brahma Wisnu, tan wihang pwa sira kinon angabjali pwa sira mwit ing Bhatraa, sinawuraning panjayajaya, saha puspawarna, tumuli mangkat Bhatara kalih, apan mahawan yun,  cet prapta mareng Tampurhyang, Saprapta nira tumuli amasanggana Yogha tarcala angarepaken Kunda, wtu manusa saking sidyajnana nnira 5 Diri, laki-laki paripurna, tumuli kinugrahan rikala kapejahannya wkas,

19b.     weh gaggadhuhannya mangkekang Panua, rikala kapejahanya wanag mabale balyan Tihing, tan kayogya ingangge taru, papiringanya pugpug, kunang tan kawnang matatakan bha, mamanah toya, madamr kurung, ndya matanya mangkana dumehnya ingaran wong Pamesan.//0// kang pamade kinugrahan ri kapjahannya ingangge wadhah kayu, matumpang salu, menek saput mangle, nging tan kawnang matatakan bha, nguniweh mamanah toya, iku kang sinangguh Wong Juru Ebat, anyanyagal, nga, manusa Jurutegen//0//. Kang waruju, ri kapjahanyakinugrahan Mabya Tanem, tan kawnang mapuwun, mwah tan kawnang mamanah Toya, mwang madamar kurung, apannyawong Tani dusun, nga//0//.

20a.     Kunang sang ing wkas kinugrahan kinula wisuda, rikala kapjahanya, kinugrahan nganggo wadah, warna, mamangle, kapas, matatakan bha, nguniweh mamanah Toya, ya ingaran Wong Mamkel Singgih.//0//. Kunang pinih alit, kinugrahan kawanganya Satrya, ri Kapjahanya kinugrahan mabadhe, manganggo Lembu, Matatakan Bha, mabale slungsung, mamanah Toya, damar kurung, tlas kinugrahan sapretekaning kesatrya.nahan ketatwanya nguni, wkasan pada wredi sentana manak gu, maputu, mabuyut, macangah mawareng mwah maijengan //0// Gumanti sira Bhatara akarya Praboting Manusa, saka lwirning prabot prabot, kunang mwah Bhatara siwa, mkarya bale pepayon, didinya hana tinular dening wang ngui tatkala nira lunga maring ukir, iniringde Pratisentana ning Manusa, ka 5

20b.     Ayun anglabar, tandwa katmu twed taru nangka ring madyaning wana kaya kalulutan Bhatara tuminggal tang twed nher pwa araryayan tumuli pinahayu tang twed nangka rineka Jadma cregep upacarning manusa, apkik warna nira, apinda warapsara, kunang ring sampuni puput tang tawulan, tumuli mantuk Bhatara maring tan katon, mangkana kacaritanya riwkasan muwah Bhatara ciwa mayogga, angredana manusa umtu manusa saking tangan kiwa tengen, jalwistrya paripurna 119, kwehnyasinlahan de Bhatra Smara, rinangkul amtu tangan kabeh karya sawijya stri, tan hana swaminya, mwang tan arepwa mamadhu, tinher pwa sah sakengkena, amuranglampahnya, apan katahenan dening gungwuyung, tan maryya sambat anangis, anesel pula kreti prateng wanantara,

21a.     Katmu tang twed nangka, wus apinda jadma, kendahan citaning wong satrya tuminggal tumon tata warnaning lingir nangka, lwir apsara gana pangidep liyepning soca amanis wyakti angunduh jiwa, ya hetunyan angucap ucap tinher apreti ajna, apa lwirnyan nihan, Singgih Jrone tawulan mraga anghyang mona, lewih wyakti wulangun manah tityang, mkadi tresna bhakti inggih yan sadya jrone masarira dadi Manusa, tityang sumanggup nyadhya ngamanjakin Jrone, anggen tityang Jrone Somah, kayang kawkas-wkas, mapanes tis, ajak tityang jrone Mrem, anganti-ganti rarasing paturon, tansah tityang ngiring Jrone, nahan ikang panulamenya, tumuli ingarasaras tang linggir, yaya wusantu cumana rasa pwa sira, wijili pwa tang reta, sadakala pwa mangkana,

21b.     Kunang apan panindaning Hyang atiti wruh, ya hetunyan awtu gharbhini wang mangkana, ngih tan sah pwa sira andulame cihnaning Hyang, wkasan dateng ta Bhatara Brahma, kinanti lan Bhatara Smara, umijil  wakya nira Bhatara apa lwirnya nihan, kita wong Balyagastri dusun, paran karepmu mangke, aptya swami lawan tawulan, umatur punang manusa saha dulur sembah, singgih padhuka ipandew, kawula anede samanta ri padha pangkaja ipandewaapan dahet sihning kawula iki, den renapadhuka ipandewa, amrayascita tang twulan, didinya hanadakena manusa, prayaning kawula ginawe cwami, kinayapaken sapraning laku, katkeng wkasing dlaha, sadmatha pwa Bhataramangke, sumawur sahynag, duh sigha manusa,

22a.     yan mangkanatan tumengeta ingwa, nher Bhatara Mayoga, tan aswe wkasan waluya atmah manusa jati, apkiking tatwadana tan pira garjita twaswong istri, yaya taning rat idhep ira, nher inayuh pinangku, gagritinan ther iangaras-aras, tambil umijil sang hyang smaratura, apan saksat kagunturaning madhu juruh yan pangidep, ya nimitaning amakpak-makpak. Kapengin pwa Bhatar umulat, bilasan ikang wang, hanawak Bhatara, apa lwirnya, sigha manusa atyanta tan pracuranmu mangke den sanggemi sapangku, de sanmu tan wring ulaha, tka daropon gagritinan ingaras-aras arepan ing hulu tan wring umerang, kinajerihan moga-moga kita. Tungkas asasanak tan anut akuren lawan sentananta, agqamya mareng Twed, kunang ri wtu gharbininta mangke, wastu 3x, tan pariwastu,

22b.     Moga-moga wtu gumatap- gumitip, sepa satus kwehnya, agati satru tkeng manusa loka,wkasan kita mwah asuta, lawan ki tawulan, tah tasmat katkeng wkas, moga=moga ya apungkusan ki mangatewel, pan wetning twed taru nangka, sagnah-gnah pretisentananta kayang kawkasa, tka apungkusan ki Tewel, mangkana kaparidartanya, marmaning hana aungkusan ki Tewel. Tangeh yang caritakna payoganira para Bhatara, sumibaking pulau Bali, angaji Manusa, apan padha adudwan dudwan pangadake dumehnya ri kapjahannya, pada waneh ing panganggonya tkeng Upakaranya, mangkana kajaring tatwa hengatita//0//.

23a.     Apica byakta kawarnaha muwah anakira hyang ghinjaya, kang kinon lungahuni mareng Jawadwipa, ayoga semadi, mangke pan wus tasaking yoganira, umantuk pwa sira maring bali Rajya, pangutusira Bhatara Hyang Pasunatha, umedek Bhatara Putrajaya ing Tolangkir, maka nguni ring padanira Bhatara kasuhun ring Lempuhyang, pada adudwadudwan paranira, sira Mpu Ghnijaya sang apalah Brahma Panditha nguni, iniring de arinira karo sira Mpu Ghana, nguniweh Mpu Kuturan, awanira apadawu rwaning kapu-kapu, aghidak rwaning thep, tan lingen pwa lampahira apan mahawan hyun, cet prapta wontening kakisikaingbali, tumurun wontening silayukti, angucaraken wedha pangastawa nher jumujug maring Basujih, umdek Padhuka Bhatara Putrajaya, sapraptanira tinher angaturaken pengredana, santhi pengastawa, humung Cwaraning Gneta, kaya Brahmara angisep sari.

23b      Sinawuran puspawarsa de Bhatara, tangeh yan wuwusan adhaging nira, wusing mangka mangraris umdek ke Ghiri Lempuhyang ring Bhatara Kamimitan, tan sah pwa sira angaturaken Wedha pangsatawa adulur pangalpika, rengreng smadi nireng Ajnana sandi , humung rwaning genta, jaya sadpada akusa ing sarining angsana, sinawuraning kembangura saha gandaksata, wedha panjaya jaya de Bhatara kamimitan, mangkana sotaning sih haning asuta, tembe umareka, tangeh yan wasitakna, tan swe sira pwa sira maring balimwah awantuning yawadwipa, angajawa angabali, nengkata sang Mpu tiga,  mangke mwah wuwusan sanakira , sang apanlah Mpu Mahameru agya turunning Bali, umdek jeng Bhatara kalih, sanghyang ing Tolangkir, mkadi Hyang kasuhun, ri ghiri Lempuhyang tan katakna lampah ira,

24a.     Apan mahawan hyun saksana prapta pwa mareng Bali, laju jumujug mareng desa kuntungladi desa iku, manher maring tampurhyang, irika pwa sira araryan, karyyamerta toya ahyuna pwa acumana, pan hana katon tirta mahapawitra, tumuli pwaasuci laksana, anglaken wedha astawangranu, katon tang togog-twed ing taru celagi, apkik rupanya, kandahan pwa sang pandya tuminghal, lwir apsara ghana yayeng surat, karunya tambekira sang maharsi alah haning lingir ngatitah,  tumuli pwa sira ayogaken, amangasangana kasidyajnanira, wkasan byakta atmah sarira manusa jati, kagman pwa kangf manusa reka, tan wruhing ulaqha, nher ngaturaken pada maskara ring sang prapta, laju matur,

24b.     Singgih pakuhulun sang muniwara, syapa ta asih sireng pwang hulun angaji dumeh pwa hulun asarira manusa, sumawur sang maharsi, nora waneh ingulun umastwa kna kita nimitaning kita asarira, mendek atalngkup tang manusa reka, sahadulur sembah, amkul jeng sang muniwara inaras padha , rajuh mwah umatur, Mpungku syapa paduka pakanira sawur sang resi ingulun mareng Jambudwipa, anaking Bhatara Hyang Ghinjaya, mareng Ghunung Lempuhyang nga, adrikarang, apanlah ingulun Mpu Mahameru, umatur tang kayureka mwah, sajna Mpungku sang kasuhun, sangkading sang hyang sanjiwani, ndya paran maka tawurana utangning kawala, kaya akasa pratiwi yan makapaman, mangke den tulusakna sih sang maha pangempuan riheng kawula mangke, didinyan pinrastita malani pwang hulun tekeng daleming carira,

25a.     Ginawe mareng wartamana juga tan waneh pwang hulun, aminta asurud ayu, lamakanya sida anular, margana padhuka Bra kasuhun, lingira sang maharsi, tan wenang kadi kami anugraha kita, asurud ayu, ndya dumehnyan apan kita dudu mulaning Manusa, tan wnang sang hyang aji pawehangkwa ri kita, mrabas ta luh nireng mata, umusa pangkaja ni ranu, singgih padhuka hyang kasuhun, tan waneh kawula wikedwa aminta samanta, ccih pakanira riheng kawula, kunang yan tan hana cih sang kasuhun anugraheng kawula, pisan ulihakna kang kawula kadi kuna, waluya mulihang taru, ginawe paran ikang kawula, andadiken manusa, tan wring Cacana, tanlot inerang erang, mahatur ira kang manusa reka, umneng ta sira sang mahadika, kapwanta arsa nira,

25b.     Tan waremrem sanghyang diwangkara, saha utpata, hana wakyeng akasa, ndya ta lwirnya, anaku kamung sang pangempuwan, aja samangkana, tka wnang awarah –warah lawan manusa reka, ndi matangngira, wetning anaku amrascita mimitaning  asarira manusa, aja sandoya, hulun anugrha anaku mangke antarlina pwa Bhatara, mangen angenta sira sang maha mpu sumeru, wkasan mojar sang mahapandya mwah, aduhkita kayureka, tuhu kita sasaraning dewata pwa nguni, asiluman maring tawulan wnang andadi manusa wong lawu, mangke den merene kita, amarekeng nghulun, hulun anugraha kita, sawur sembah tang manusa reka, anuhun padha sang ngadighuru, lingira sang mahayati, anaku kayureka, rengwakna piteketmami mangke, yatna talinganing pangrenga, nging aja wera mwang cawuh, apan piningidaken sang hyang Ongkara mantra, nihan panugrahangku, taria wastu 3x, tan pariwastu, sidhirastu, 000, sidhi ajana,

26a      anaku kayureka, kadyaparan, sampun rinangsuk punang sanghyang ongakara mantra denta, aksara mungwing sarira, katekeng aksara mungwing Jaba, umatur ira Tarureka, wus rampung rinaksuk de pwnghulunwaluta ring niskala jati, sumawur mwah sangadiguru, anaku tarurea, yan mangakana, mangke hana mwah panganugrhangkwa, wnang kita maka ghuru loka dening wong balyag kabeh, apan nora hanaBhujangga ing Bali, nihan tegesing Aji purana, nguniweh dewstawa, aywa awera mwang cawuh apan wkasing utama wnang kita Bhujangga Balyaga, katkeng pratisentananta,3 turunanan, mwahhana pawarah hulun ring kita, kengetakna aja lupa. Didinya kita awarah-warah ring pratisentanta wkas,

26b.     Sopanya padha umengeting kalinganya, ri wkasing ngwkas, hana pratisentanaku umijil saking kakangku, sira Mpu Ghnijaya, wnang sentananta maka pangiwanya, wnang anembahaken rikal kapejanhanya, satreh-treh ananku, kunang sentananku tan kawnang anembahakna satrehta, ndya matangnya, apan kita aghuru  putra lawan ingulun, nguniweh pawtunmu beda sakeng ingwang, mangkana kengetakna pawarah juga ya , ila hastu phalanya, Kunang mwah anaku kayureka, apan kita sampun presida  wus apodgala,mangke kita ianaran Mpu Bendasa Dryaka, apan kita witing twed nguni nging tka wnang kita anganggo Wedha Astupungku, katka upacara pralina pangentas, nging ne Wnang entas kita sawonging Blayaga kabeh, aneda ngiring sira Mpu Dryakah,

27a      apan wuwusira sang adhighuru, tan wnang linanganan, mwah mawuwusang Abra Sinuhun, anaku Mpu Dryakah, hana mwah piwkas Bapanta, ri wkasan dateng kapejahan ta, pinrastita de Pratisentananta, tan kawnang kinastupungku de sang Brahmana, mwang ngentas wnang anuhur ing kahyangan, ndya matangnya, apan kita nora witing Manusa jati, kunang yan wusentananta amahayu sawanta, wnang apitra yadnya, nging 3 turunan wnangnya, yan wus 3 turunan irika resi Siwa, Boda ngrajenging gawyanta wkas, mangkana kengetakna, pawarah juga pratisentananta sodanira kasuhun kidul, nahan piwkasira Mpu Mahameru ring Sisyanira, kunang sira Mpu Dryakah, tansah anganjali, umiring Ajna sang maka Cudamani antya drestaning Cwacita aneda anugraha, lwir kawehan Amretha yan kopaman,sumusupeng antajnana, tange yan wusuan ulahing asurud ayu, apan wusira kinmit de sang mahadharma,

27b.     wuwus mwah sira Mpu mahameru, awarh-warah ring Wong Blyaga kabeh, inasunganing wangsa Bali Krama, nga, lingira, siga manusa mimitaning kita wruh gading, dudu witanig Manusa jati mangke ingulun awarh kita  kabeh, ri wkas dateng kapjahanta pinrastita de senatananta, kita wnang mabya geseng kunang ri wusing kageseng, yogya mapendemmwah, ya ta kang sinangguh Wangsa Krama Tambus, nga, nging wnang Bhujanganku ki Mpu Bendesa Dryakah, ngentas kita kabeh, kunang mwah wusing pinrastita, yogya kita nga matres mwang matuwun, mangkana yogya gamanta, aja angliwaring mwah yan liwar kna sodsnirs bhatara hyang kasuhun kidul

28a.     Sungsut dalaning sanghyang atma, nora mangguhaken dlan apadang kunang mwah kita ki Barakan, kengetakna, nguni kadanenta, witing saking Buhtala warah juga pratisentananta wkas tka kapatyanya ya ta tan kwnang magseng, kayogya ne mependem jugga, wusing sawa mapendem, tka wnang ngangirim, ya ta rineka luwuring Bangbang, apinda wongwongan ya ta ng abya tanem, kunang yan hana mwah amreteka wnang nga matres mwang matuwun, mangkana gananing Baliyaga, iki Bhujangganta, Mpu Dryakah Yogya Ngentas kita, ya kengetakna  aja engimpasin ila-ila dahat, apan agung Brahmantyanira sanghyang kasuhun kidul, ngawe sungsuting sanghyang pitara, kunang mwah yan kita angucap ucap Bhujangganta, Sira Mpu Dryakah,

28b.     Kayogya ne Majro Gede, mangkana elingakna ajalupa, trus tumus turun – tumurun, aja lupa pawarah juga pratisentananta, sowang-sowang, mangkana ling Mahamuni Mpu Mahameru ring Wonging Balyaga kabeh, umiring punang Balyaga kaya wakya sang muniwara, kunang mwah sira dang ghurumwah awarah-warahi sisyanira, ling ira, anaku Mpu Dryakah, mangke kita wnang Bhinagawan, merene,hulun anampak kita, umarek pwa sang Mpu Dryakah, wusing katapak, dinilat tlapakanning padha, sang adi ghuru, hana panugrahan pawisik, maring telingan mwang cacatu tan kawnang angucap, apan piningid sang hyang Ongkara mantra, lingira sang abra sinuhun, anaku Mpu Dryakah, sampun karungu denta, singgih pakuhulun wus kampen de sisya padhuka sang kasuhun,

29a.     Anaku Mpu Dryakah, mangke kita mwah ginatyan kang Puspata kita inaranan Mpu Kamareka, apan sanghyang manmata pwa ngunni, Abinagawan, mangke elingakna, mangke ramanta anninggali siranaku, age umdek padhuka Bhatara ing Tolangkir, maka nguni ing ka Gunung Lempuhyang, mendek atur Bhakti sira Mpu Kamareka, ingaras padha dang Guru, apan mangkana ulahi Bhakti susrus, mangkana katatwanya nguni, nimitaning hana Bhujangga ring Bali //0// wuwus mwah sira Mpu mahameru sah saking Tampurhyang  anuluh pwa ghiri tulukbyu, malaku tan pahingan, cet prata mareng Bhasukih, saprapta nira nher angucaraken Wedhastawa, humung swaran ikang tanguran, ya ya sadpadha angisep sari, tansah angaturaken pangalpika, rengreng ta ring dirgantara, sinawuraning puspa spawarsa,

29b.     Saha panjayajaya, de Bhatara, umijil Bhatara Putrajaya, tinangkil de Mpu Semeru, tan lingening pagonitan, apan wkasin suci maha Cunya, nga, wkasan amwit sira sang maharsi, ri Bhasakih, mara maring Ghiri Lempuhyang, umdek padhuka Bhatara Hyang Kemimitan, tan Caritang hawan apan mahawan hyun, sapratengira malar mguncaken wedhastwa panganjali humung Cwaraning genta angarepaken tang kundaghni, dumudug kukus nikang kunda tkeng antariksa, sinawuraning kembangura, saha panjayajaya, rengreng tekang dikwidik, tumili umijil bhatara hyang  ghni jaya, munggwing tawang, pinarek de sang muniwara, tan kna winuwusaken pasilihaning pagosanan, pan wetning sihaning asunu, nahan ikang carita, pira ta kunang lawas ira sang maha muni

30a.     haneng bali rajya, ngiring bhatara tri purusa, tolangkir lempuyang, lan hulundanu, irika pwa sang maharsi, anagunaken paryyangan, iniring de wong ing balyagga, maka nguni mpu kamareka tan lingenrestining paryya paryyangan, bhatara tiga duking mangka tambenyaning hana sad kahyangan, haneng bhesakih, mwang ghunung lempuyang, hulundanu, ri weasan sira mpu mahameru, maramundur wa sira, mangajawa mangabali, tansa rinipta, jagatditaning bhwana rwa, maka nguni karestyaning kahyangan nira bhatara tripurusa, mangkana pidartthanya munggwing usaha//0//Tucapa mwah sang mpu kamareka, ayoga pwa sireng tampuryang, antya drakeng smadhinira, umiring sadna sang abra sinuhun, tan hana angliwari, kaya piwkas ira nguni,

30b.     kunang hana gumuk gumuk anginggil ring Tampuryang, nga, gwasong irika pwa sira mpu kamareka anagunaken pangastanan unggwanira atapasmadhi, tarpamangan tarpanginum, tan sah angranasika marep wetan, a ngarepana wiwara iku antyan tarcala smadhinira pira ta lawas nikang smadhi, awyatara satawun saptang dinten, angranasika angadegaken sang hyang ongkara matra, munggwing padma hradaya, tumurun sira phaduka bhatara brahma, saking tan katon, anugraha sira, nihan wakyanira, kamung mpu kamareka antya draka smadhinta, ngastawa ingulun, mangka tarima panugrahanku ring kita, tatwa dyatmika, pralina, rupa tan rupa, 000, nging kayatnakna angamung sang hyang ongkara, jah tasmat, wastu, 3, tan pariwastu sumusup tkeng sidiyadnananta.

31a      Nihan hana mwah piwkasku, lawan kita, wkas yan hana wong ahayu prapta, ya pawahangkwa ring kita ya maka jatukramanta wkas yan hana sentananta, sakeng wong ahayu, sopanayan i ngaran mpu ghnijaya kayu ireng, nahan pwikasku antarlinna bhatara maring tan katon, wawang mpu kamareka anguncaraken panganjali, wadhastawa, antyan tustaning catanira, lwir kagunturaning sanjiwani yan pangidep, sumusup tkeng antawradaya, tangeh yan angajara kna, pira ta kunang lawasnya, mwang sira mpu kamareka, amasa ngana yoga, angranasika angarapaken kundaghni, dumudu dumaning kuda, mrik sumarwanginya trus tkeng paramacintya geger sawateking widhyadhara widhyadhsri mwang sawateking dewa dewatha, rsi gana rengreng tkang nabastala, saha subha nimita,

31b.     Umijil sanghyang peramacintya, sakeng ngawang – ngawang addulur puspa warsa hana wakya, kamreka tuhu kita Mpu kulawangsa, tan poma teguhing semadinta, hana paweh Bhatara ing kita, siksaning tirta kamandalu, abnyu pawitra, nga, iti aksaranya tarimakna, nging ajawera mwang cawuh, singitakna ring hradayanta, wusing mangka antarlina Bhatara, angastungkara sang Mpu Kamareka tansah adulur pangalpika, mangkana katatwanira kadi atambah-tambah sukaning manahira sang Mpu Kamarekakaya karestyaning tlrnging udadi, mangka yan sinangsipatan //0// tucapa watekang warapsari, nga, ingaranan pwa Dadarikuning, kinwan de Bhatara Indra, mareng Tampurhyang, anmaka jatu kramahanira Mpu Kamareka, saprapta nirang Gwa Song, tuminggal de sira Mpu Kamareka,

32a.     Wawang sinwagatan ta sira kwanganya mwang prayojana apa ta lwirnya, dhuh ta sira, sangkadi hyang ning arnawa saking ndi ta sira dateng marangke, maring suket, mwang syapa dwi dasa namanta, mwang  kawanganta, syapa kang arananta, kaya asmu rudita, yankapina yogya, warahulun duga-duga, sumawur sang wawuprapta, pungku hulun wateking warapsara, mareng Indraloka, sumawur sang atapa. Aparan prayojananta datengeng pwanghulun ngke, mwah sumawur sang tinanyanan, sadnya mpungku tan waneh pwanghulun  amurang-murang palaku, mahaseng Bali Rajya, angulatana tirta pawitra, kunang hana katon tejamaya, ingke awor kukus, pilih hanyandaka ya hetunyan pinaka hulun dateng marangke, sumawurmwang sang mahamona, singgih kadi hyangning nadi putri,

32b.     Aparan don rahadiyan sanghulun, ametana tirta pwitra, singgih sang maha pangempwan huni hulun mareng cwargaloka, hananing wariwigraha, lawan sang watek gandharwa pati, kna pwanghulun kinanyangan nging duran kawawa, apan katujweng kaptya ya ta matanghulun, mura mareng cwarga amurang-murang lampah apti atirta gamana katmu sang muniwara mareng kene, sumawur sang Mpu Kamareka, hayu yan mangkana, yan pindhaning yogya daran mareng ngke pepareng manastapa, sumawur mwah sang apsari, mpungku umenget pwa hulun ri Bhatara uni kumonmareng madyapada, ingka rakwa maka Jatwakrama haning hulun, singgih yan pindhaning yogya, tulusakna Citha warah hulun duga-duga, umeneng sira Mpu Kamareka, tan wruh ri sawuran ika, tan pira kbeking cita.

33a      lwir iniris inusuping saktinning driya wkasan angucap sarwi gagtun dhuh jiwatmangku kita pangeran, nora waneh kakanta maka jatwakramanta wruha kakanta lingBhatara uni widyadari pakanira, angel ta kakanta anganti arasi tumungkul pwasang pinituturan, sarwi pinangku i ngaras – aras, apan ginunturan madu adepira, mas jitwamaningusn pangeran dentuluskna cithaakuren lawan kakanta, pepareng mamansatapa mareng wanantara, sadera pwa masku angde hana kakaknta tan piwal, yadyanpin katkeng pajadman, tansah kakanta umiring sang lwirhatanyuh, tan mari pinakpakpak painganrasan, sumawur sang lwir madhu mentah sarwi angembenging tingal, singgih pungku haywa sih gagtun syapa kang amisesabesuk monsira santosaumiringg ranten sang mahamuni,

33b.     Kewala hana pamidi manira yan wusing sinuba lawan anghulun, Mungku tan wnang tiwal riheng manira, sapakoning hulun pan mangkana prawretine mareng cwargha dibya, sumawur sang mpu kamareka, aja sangsaya, tumuli ingemban mareng pakasutan, tangeh yan wuwusan, tingkahing agamya gamana, nemwaken lawan dadari ngengakna sang aswamya sakareng //0// winalweng tang tatwa mwah uni sapraptanira sang mpu Mahameru mareng yawadwipa sah sakeng Bhasukih mwang Tampurhyang umarek agosti,

34a.     Lawan snaak ira sadaya, mkadi sang kaka, Mpu Hgnijaya, Mpu Ghana, Mpu kuturan, Mpu Pradah, lingira Mpu Ghnijaya, yayi Danghyang Sumeru, punapa sep dahta dira yayi prapta angel de Bhatra Putrajaya anganti uni saprapta sira yayi, kunang kakaknta, mwah yayi sdaya, mlar angantiha sira, sumawur sira Mpu Mhameru, singgih agung ksmaakna arinta, uni saprapta hulun maring Tampurhyang apti araryan suci, hana Togog kayu Clagi katmu kapengin twasing hulun tuminggal irikia hulun anatwaken kasidyajnana saksana tang tawulan atmahan acarira Manusa wkasan hana karungu wakyeng akasa, kiwan hulun anugrahakna sarwa tatweng ajnana, didinya hana maka Bhujangga Bali, mwang angawya wangsa Bali Krama,

34b.     Ya tika marmaning cranta dateng, kapengin pwa sang catur tirta pawarang sang Wawu dateng, sumwaur sira Mpu kuturan, kawengan pwa hulun rumenga kunang saprapta rahadyan sang hulun mangke, wuwus olih umdek Bhatara ing Tolangkir, yadyain padhuka Bhatara kamimitan, maring ghiri Lempuhyang, sumawur  Mpu Sumeru,yayi wuwus prapta kakanta, anembahi Bhatar purusa, darah sampun kakanta anangunaken kayangan maring Bali, mwah awarah – warah ing wong Balyaga, cacananning Balikrama, mangke yan pinadaning yogya, daran palingaha mwah mareng Baliraja, amangku kahyangan Bhatara tiha, kewala nganti diwasa hayu, sumawur sang maha tirta sedaya, hayu yan mangkana, an mangkana payunikang alapakna maluwara nikang gasti wicara, kapwa mantuka sira padha sowang-sowang,

35a.     maring kahyangan – kahyangan nira tan mari padha angisti Bhatara ing Bali, neng sang Mpu haneng atita//0//pira ta kunang lawas ikang kala, pakurenira Mpu kamareka, lawan patni nira dadari kuning wkasan garbini pwa sira, sangsaya tuwu hing garbini, molah sang ing garbhawasa, tan lingen pwa panangisnira, wkasan awtu suta2 jalwistrya, listuhayu padha paripurna rupa tan pengan suka nikang kakung, inaran ki Kayu Ireng, kang stri inaranan Ni Kayu Ayu Cemeng, mangkana kawit pawijilanira guni, tangeh  yan Carita lampah ira mwah, mangke wuwusan sampun mungpung jajajkania irika awarah sang kayu ireng ring sang yayah, singgihh pangeran Bapa, anakta apan sampun sedeng ring mangka,

35b.     Ndya hana cuba cuba karma ningwang yan pindaning yogya yata agyahakna, didinya anakira acwami, dingin pwa anakira pan ing ukir, lingira sang maha mpu, anaku Kayuireng, tan waneh maka swamyanta, Ni kayu ayu Cemeng juga kurenanta apan jatu krama anakita sakeng wteng mangke kita kewala nganti dewasa rahayu, sumawur ta sang ngibu, anaku kayu ureng apatut kaya lingaisira yayah ta,  aywa wancaka daya, lingnge kayu ireng, umiring siranakkira, kewala  den enggal anmangkana payu nikang salapkna, piara tak kunang kala nira, prapta tang dwasa rahayu, tumuli abubuncingan ki kayu ireng lawan Ni Kayu Cemeng tan lingen sarasa sireng pakasutan, apan padha wruh tingkahing awor sarangga,

36a.     mangkana kapradartanya, wiwitaning kang sinangguh Warga Pasek Kyauselem, sumimbaking pulina Bali, rengaknang mangke ki Kayuireng saka manyan //0// Bawisyati sira Mpu mahameru turn maring Bali, umedeka padhuka Bhatara ring Bhasukih, makadi ka Lempuhyang lumaku pamnga, apan mahawan yun, lascariya prapta maring kading desa iku, lumintangin ghiri tulukabyu, raju jumujugeng Basukih, kala dinten kaka waciwo, titi cuklapaksa panca dasi julung pujut, candra utara phalguna cwannita cirsa nitya isakya jadma sira tmaya muka 121,sepraptane maring Bhasukih, umanjing maring parryangannira tanimba maring parryangannira Bhatara Putrajaya, mwang Bhatara Ghnijaya, tumuli angastungkara Bhataraa angasturana weda stawa,

36b.     mwang waseh jeng humung tang cwaraning Genta umijil ta Bhatara saha puspawarsa mwang pajayajaya, tumuli angaturana pangalpika saha gandaksati tan lingen pahayu nikang alapkna apan mapingit, wusing mangkana manglaris ira maring ghiri Lemuhyang umdek Bhatara Kamimitan sapraptanira malar ayoga smadi angaturana wedastawa mwang waseh jeng amlejeg kukus nikang kunda humung swaraning genta wawangg umijil padhuka wara wakya Bhatara, apan dahting mapingit, pira ta kunang sira haneng kahyangan Bhasukih, mwang Lempuhyang tumuli amwit ing Bhatara umantuking Yawadwaipa mwah, tan cariteng hawan, cet sumapare papareng lan patni nira anembaha,

37a.     Sha ngaturaken wangsuh padha ing dang ghuru, mher inagturan haneng parryangan, tan lingen pasusuguhira Mpu Kamreka ing Dang Guru, apan mangkana ulahing sisya, tinkanan de sang abra sinuhun, liwar suka nikang cita, sumusping sarira, hana lingira sang adi ghuru apa ta lwirnya, Ananku Mpu Kamarekamangke ramanta agya ninggali sira muliheng Yawdwipa, ramanta wus mandel tkeng ajnananta, nging ananku aja lupa kaya pitket ramanta ngui angamong sanghyang Ongkara dyatkmika, wkas yan hana prati sentananta warah juga ya ring titi gegaduhan, panugrahan hulun iki didinya padha wruh ing babahaning Bali krama, mangke ananku rumawak Satrya Brahmana, anging 3turunan ktekeng mangke wus ing mangkana dadi amingsor, rumawak kula wangsa,

37b.     mwah wkas apan mkwaeh pratisentananta, adudwa-dudwangonya, lumimbaking Pulina Bali, winarah juga ya, yanya tan anindihaken tang gagaduhan wit Bhujangga Balyaga, yata wnang kna sodaningsun kepatyannya tan kwnang pinrastista de sang Brahmana, nguniweh tan kawnang geseng, pendem juga ya, ya dudu sentananta, nga, kunang yan sampun anindihaken, ya ta ngaran wangsa tani, nging yan sampun 3 turunan wtu sentananta mwah didinya inarana Arrya Pasek Kayuselem, asing wruh tka wenang Mujanggain nging tulung tururnan, kunang soring Bhujangga, ya dadi dudukan, wkas yan hana acep sentananta gineseng wangke ning kawitanya, wnang.

38a.     Hanging ya durung hana Brahmana ring Bali, wijil saking sanaking hulun Mpu Ghnijaya, aniwaken weda Mantra, katkeng Pratisentananig sanaking ngulun waneh. Mangke anaku tka wnang mrastista sawaning wong Baliyaga kabeh, mangkana aja lupa pawaah juga ya ila-ila dahta, kna Brahmantya, nihan hana paweh ramanta sastra dudu aksara, rupa tanpa rupawakna talinganta ri pangrenga mwanh dinlengakna tang netra karo, ngadpada sira mpu Kamareka, tumuli tinkwanan, anaku  Kamareka sampun wus byakta denta, pukulun sang abra sinuhun wus kempene sisya pakanira, iti hana mwah aksara dyatmika, sastra ring raga sarira, iku awasakna ring sariranta, jah tahsmat, wastu.3. tan pariwastu, lewih saktiwisesa, lwirnya arupa akasa,

38b.     Iti 50.9.1 tlas, poma anaku aja lupa, wara mwang cawuh, apan piningid sanghyang sastra, mangke ramanta ninggali anaku, apan wus tlas sanghyang aji kaglar ing sariranta, angastungkara sira Mpu Kamreka umusapada sang adighuru, adulur panganjali tan poma sukaninghredaya, apan sampun kinugrsahan warahana sira sang kasuhun, sampun sah ing Tampurhyang, mulihing yawdwipa.apan mahwan  yun cet mareng yawadwipa nahan ikang carita //0// apica, pira ta lawas punang warsa, pada wredi sentana punang wong kabeh ing pulina Baliakweh maurambyanmanak gumanak, angliyabing bwana, ndya dumeh nyan, ya hetunyan sumimbaking Bali Rajya, tangeh yan rencana pawtuning wang balyaga.

39a.     Padha angawa gegaman katkeng upacaraning kapjahan apan padha adudwadudwan pangadake mangkana katatwanya ring usana, pira ta kalanira, kayya ta tistis asamun tang Bali pulin, ndya mayanyan apan nora hana ratu maka catraning  Nghara ya hetunyan tistis, irika padhuka Bhatara hyang putrajaya kinanti lan Hyang Ghnijaya aniring de hyang catur purusa lunga ghiri Yambudwipa umupak padha Bhatara hayang pramestighuru  aneda anugraha didinya hana ratu maka catraning pulina Bali maka lingganing sumungsungaken kahyanganing Basukih, ya hetunyan awum sawatek dewa dewata kabeh, lawan swatek resi sdaya, umirring hyang jagatnatha, mareng cwarga stana kunang payunikang salapakna.

39b.     Pilinih tekeng dewasa, hana anak Bhagawan Kasyapa, metu saking dyah wipara,, ngarann sang mayadanawa, kunang sira mayadanawa, sampun pakacwami lawan dewi malini nga kanak de Bhatara hyang ananta Bhoga, Ibhu sakning ni dewwa Danwa, nga, ya ta sang Mayadanawa pinilih de sang para Bhatara kabeh, jumneng nata turuneng Bali madya, amangkana payu nikang alapkna bhyakta si Mayadanawa pinilih, maka catraning Bwana, malwaran kang gosti wicara, kapwa umantuk Bhatara kabeh, kunang Bhatara Putrajya, wus amwit ri Bhatara hyang Pramesti Ghuru, pepareng lawan hyang ghnijaya ngunniweh Bhatara catur purusa umantuk ing kahyangan Bali Basukih, tan poma garjitaning enta sjana

40a.     Apan Bhyakta kasidaning don, tan cariteng hawan, cet prapta sireng parcwaning Tolangkir, mangka pidartanya heng atita //0// apica mwah didinya pada pratyaksa riheng prastwannya nguni, pira ta kunang  kalanira, saturun ira sanghyang Mayadanawa angraksa Rajya haneng pulina Bali, tansah kinantyaken de cwaminira sang apanlah ni Dyah Malini sapjah ira ki detya karnapati nguni sang abhiseka Cri Jayapangus, ratu inguni i balingkang, sira ta rakwa cri aji Mayadanawa, kinantyan sumiliha angadeg Ratu haneng Bali rajya, jumeneng ing bedanegara, akadaton maring Batanyar, kunang sapndiri nira tan pira tusta girang nira sawonging Bali  rajya,apan hana maka linganing Bwana kabeh.

Bersambung…..

Tinggalkan Balasan

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s